Alment sett í landsfyrisitingini

BLF hevur fleiri avtalur við Fíggjarmálaráðið, vegna Føroya landsstýri, um starvsviðskifti hjá BLF-limum innan tað almenna.

Felagið hevur ein sáttmála, og ger felagið eisini semjur við lønardeildina, seinast í februar 2016 (sí niðanfyri). Eisini hevur felagið eina høvuðsavtalu, sum ásetur viðurskiftini millum lønarsamráðingarnar, sum eisini sæst niðanfyri.

Sáttmálin

Sáttmálin (deildarstjórar)

Semjan

Høvuðsavtalan

 

Álitisfólk

Tá tað í einum aðalráði, stovni ella deild starvast i minsta lagi 3 BLF-limir, hava hesir limir rætt til at velja sær eitt álitisfólk, sum ikki kann verða uppsagt, uttan uppsøgnin hevur verið til viðgerðar millum Føroya Landsstýri og BLF. Uppgávan sum álitisfólk er ólønt, men uppsagnarfreistin hjá álitisfólkum verður longd við 3 mánaðum.

Reglugerð fyri álitisfólk

Ásetingar um rættindi og skyldur hjá álitisfólki eru eisini ásett í Sáttmálanum § 9, stk. 2, § 14, stk. 2, § 15, stk. 1 og § 29.

 

Alment sett hjá kommununum

BLF gjørdi 10. november 2015 avtala við Kommunala Arbeiðsgevarafelagið (KAF) um, at KAF fylgir tí til ein og hvørja tíð galdandi sáttmála millum BLF og Fíggjarmálaráðið.

Avtalan við  Kommunala Arbeiðsgevarafelagið (KAF)

 

Privat sett

BLF hevur ikki nakran sáttmála við privatar arbeiðsgevarar, men ofta verður sáttmálin, sum BLF hevur við lønardeildina brúkt sum grundarlag fyri einum sáttmála við ein privatan arbeiðsgevara.